ప: నినువినా వేరు దిక్కెవరయ్యా మాకు

కరుణించి కాపాడు కడవరకూ ||

చ: నీ కృపయేనయ్యా మా ఈ జన్మము

నిను ధ్యానించితే బ్రతుకే ధన్యము

కోరనయా నిను ఏ అన్యమూ

నిను స్మరియించని జీవితమే వ్యర్ధము ||

చ: బాలులకీవే విద్యాబుద్ధుల నొసగేటి దైవము

ఏ పూజకైనా నీదేనయ్యా అగ్రతాంబూలము

ఆదుకో అన్నా అని ఆక్రోశించిన

అందించేవు నీ అభయ హస్తము

చేదుకో అయ్యా అని చేతులెత్తి మ్రొక్కిన

చేవోడు నీవై ఇచ్చేవు కైవల్యము ||