ప: ఎగిరింది జాతీయ జెండా

ఆ నింగి అంచులదాకా

దశదిశలా మన కీర్తిని చాటి చెప్పగా

దశదిశలా మన సంస్కృతి చాటి చెప్పగా ||

చ: వ్యాపారమంటు వచ్చిరి మన దేశానికి తెల్లదొరలు

అయినారు వారికి మనవారు బానిసలు

హింసే ఆయుధమని నమ్మిరి ఆ క్రూరులు

అహింసనే ఆయుధమును చేపట్టిరి మన వీరులు

ఫలితమై వచ్చింది స్వాతంత్ర్యం

చేసుకుందము రండా మహోత్సవం ||

స్వేచ్చావాయువులే ఎటుచూసినా వీచుచుండగా ||

చ: ప్రగతికి మూలం విద్యార్ధి జీవితం

అందుకు కావాలి ఉన్నత విద్యాలయం

ఉన్నారు మంచి అధ్యాపక బృందం

బోధించగా మనకు విజ్ఞానం

మనమే దేశానికి మూలస్తంభాలం

భరతజాతి గౌరవం నిలబెడదాం

అని పాడుతుంటే, మురిసిపోతూ..ఎగిరింది ||