ప: ఏ తోటదో ఈ చిన్నారి పువ్వు

తీయనీ పరిమళాలు మనపైకి వెదజల్లు ||

చ: చరణాల, దేవి చరణాల ఒదగాలనొకసారి

సిగలోన, దేవి సిగలోన నిలవాలనొకసారి

మాలికగా, పుష్పమాలికగా దేవికమరాలనొకసారి

కోరేను వరముగా పుష్పమ్ము ప్రతిసారి ||

చ: జడలోన, నాతి జడలోన నలిగేను ఒకసారి

పాదాల, మనుజుల పాదాల మలిగేను ఒకసారి

సుడిగాలికీ రాలేను ఒకసారి

వడగాద్పుకీ వడిలేను ఒకసారి

అయ్యో…

పూజాసుమమై పులకించిపోవాలని

వేడిన పుష్పానికి

విలాపమేనా ప్రతిసారి ||