ప: ఈయగా వధువుకు మంగళహారతులు

తరలిరండి త్వరితగతిని ముత్తైదువలు ||

చ: సత్యలోక సరస్వతీ, వైకుంఠ వైష్ణవీ

కైలాస శాంభవీ, అరుదెంచగ పతులతో

నూరేళ్ళు నిండుగా, పసుపు కుంకుమలతో

వర్ధిల్లమనుచు తనను దీవించగా నగవులతో ||

చ: పుత్రపౌత్రాభివృధ్ధి కలుగుననుచు చతుర్ముఖుడు

సిరిసంపదలతూగమనుచు శ్రీవల్లభుడు

అండతానుండుననుచు మృత్యుంజయుడాశివుడు

ముగ్గురు మూర్థులు కలిసి దత్తుడై సద్గురుడై

సౌభాగ్యవతీ అనుచు ఇటకే విచ్చేయగా ||

చ: సప్తర్షులే నిలిచి వేదఘోషచేయగా

ముక్కోటి దేవతలే పుష్పవృష్టికురియగా

అడుగడుగు దండాల వెంకటెశ్వరుడు తానే

పద్మావతినిగూడి పరవశమున తిలకించగ ||