ప: నీలాకాశంలో నీవు

ఈ నేల మీద నేను

ఆ నింగినుండి నువ్వేనాకై దిగివస్తానంటావా

ఈ నేల నుండి నన్నే నీ దరికే రమ్మంటావా

సాయీ సాయీ సాయీ సాయీ ||

చ: అమ్మ నాన్న అక్క చెల్లని బంధాలెన్నో ఇచ్చావు

ఆ బంధమెంత తీయనో నీవే తెలియజెప్పావు

అభిమానాలే వదలలేని ఆశలు మాలోపెంచావు

ఆ ఆశలే వదిలి నీదరి చెరగలేనిమనసిచ్చావు

ఓ సాయీ !

అందుకే నీవే నాకై నింగిని విడిచి రావాలి

నేనే రావాలంటే నా ఆశలన్నీ తీరాలి||

సాయీ ! సాయీ !

చ: మగువుకు మగడే దైవం అంటూ అనురాగాన్ని ఇచ్చావు

అనురాగానికి అలంకారమని సహనం మాకు నేర్పావు

తల్లికి పిల్లలె ప్రాణం అంటూ ప్రేమ పాశం వేశావు

ఆ మమకారం నీకూ మాపై ఉందని తెలియజేశావు

ఓ సాయీ !

అందుకే నీవేమాకై నింగిని విడిచిరావాలి

నీ పిల్లలం మేము కనుక మాతో ఆడిపాడాలి

సాయీ ! సాయీ !

చ: ఆటల పాటల అల్లరి బాబును చల్లని దయతో ఇచ్చావు

బాబు ఆటకు బొమ్మగమారిన అమ్మను నన్ను చెశావు

బంగరు పాపను కానుకనొసగి బ్రతుకే పండుగ చెశావు

స్వర్గంలాంటి సంసారంలో మాధుర్యాన్ని చూపావు

ఓ సాయీ!

అందుకే నీవెనాకై నింగిని విదిచి రావాలి

నేనే రావాలంటే నీవే కొంచమాగాలి ||