ప: సాయిలేని జీవితమే పల్లేరు బాట

సాయి సన్నిధాన్మే మల్లెల తోట

సాయి హృదయమే మనకు నెలవైన కోట

సాయి మాటే మనకు వేదమంత్రమట

సాయి నీడనుంటే బ్రతుకు స్వర్గమేనంట ||

చ: మనవారిపై తగని మమకారమంట

పరులపై ఎందుకో తెలియని ద్వేషమంట

మనిషిగ పుట్టికూడ ఎందుకీ ఖర్మంట

ఎవరికి ఎవరో రేపు తెలియనే తెలియదంట

అందుకే సాయి బాట నడిచి తరియించమంట ||

చ: కన్నులు రెండైనా చూపు ఒక్కటేనంట

పలుపేర్ల పిలిచినా పరమాత్ముడొక్కడంట

నాలుక ఒక్కటైనా మాటలే రెండంట

ఆ మంటల మంచి చెడులు తెలిపె బుధ్ధి ఒక్కటంట

బుధ్ధినే అనుసరించు సాయి బాట పయనించు

ఆత్మానందమే నిన్నపుడు వరియించు ||