ప: సాయి సాయను దివ్యనామము

చేర్చు మనలను వైకుంఠధామము

సాయినామము మోక్షప్రదము

చింతనజేయుము అనుక్షణము ||

చ: ప్రయాగయాత్ర చేయగ తలచెను

దాసగణు సాయిని అనుమతి వేడెను

పదముల గంగాయమునలజూపెను

విష్ణువు తానెయని ఋజువుచేసెను ||

చ: పండరినాధుని దర్శనమేగోరె

దాసగణు సాయిసన్నిధిజేరె

నామసప్తాహము చేయ సంకల్పించె

పుండరీకవరదుడై సాయి అగుపించె ||

చ: కన్నులార గాంచెనతడు సాయిలీలలనే

మదిలోన నిలిపె నిరతము సాయి పదములనే

కీర్తించెననుక్షనమూ సాయి మహిమలనే

ఆతని తలచినా చాలు కైవల్యమే ||