ప: చల్లని తులసి

ఇంటింట వెలసి

పూజలందుకుని నీవు మురిసి

దీవెనలిచ్చేవు ఓ తల్లి తులసి ||

చ: మా ఇంటి పెరటిలో వెలిశేవే

మమ్ముల చూశేవే

కరుణతో జూచుచున్నావే

ఆదిలక్ష్మివి నీవేలే

వరములనెన్నో ఇచ్చేవే ||

చ: పిలిచిన పలికే దేవతవే

తప్పుల మన్నించి మము బ్రోవవే

నిత్య కళ్యాణి నువ్వేలే

తులసి లక్ష్మి మమ్మేలవే ||

ప: రామా రామా రామా అనరా

కలతలన్నీ తొలగురా

భక్తితో స్మరించరా

ముక్తిమార్గము చూపురా ||

చ: రామనామము నిరతము తలచి

రామునె మదిలో నిలిపె మారుతి

రామపాదము సోకగనే

నాతిగ మారెర రాతి ||

చ: రామునె శరణము వేడరా

అభయము తానే ఇచ్చురా

రామునే మదిలో నిల్పిన

కరుణతో నిన్ను కాంచునురా ||