ప: తగదింక మౌనం, చరణమ్మె శరణం

అనుక్షణం అంటినే, భజే సాయినాధం ||

చ: కుగ్రామమునే చేశావు నగరం

మసీదునే చేశావు మందిరం

ఒక్క మాటతోనే చేసావట వైద్యం

ఒక్క స్పర్శతోనే పోద్రోలావట జాఢ్యం

కరుణకు రూపం మా గురుదైవమని

భక్తులు పలికిన మాటలె నిజమని

చేరితిని సన్నిధానం, చేసితిని నీ ధ్యానం ||

చ: నీ నియమం నిత్యాగ్నిహోత్రం

నీ మౌనం బ్రహ్మప్రబోధం

నీవుకోరే దక్షిణ శ్రధ్ధా సహనం

మా మదిని వెలిగించేది ఆత్మ జ్ఞానం

నీ వాక్కులె మము నడిపించు నిరతమని

నీ ఆచరణలె మోక్షప్రదమని

నమ్మినది నా హృదయం, చేరినది నీ చరణం ||

ప: గోధూళివేళాయె సంధ్యాసమయమాయె

వైభవలక్ష్మి పూజకు తరుణమాయె

అమ్మనాహ్వానించగా తరలిరారే

తరుణులారా తరలిరారే ||

చ: ఇల్లువాకిలి కడిగి ముగ్గులేయరారే

గడపకూ పసుపురాసి బొట్టుపెట్టరే

ద్వారానికి మామిడితోరణాలు కట్టి

జయమంగళ నిత్యశుభమంగళమనుచు స్వాగతించరే, సుదతులారా

స్వాగతించరే ||

చ: బంగరు పీఠమేసి కలశముంచరారె

కలశాన అమ్మను ప్రార్ధించరే

అర్ఘ్యపాద్యాదులొసగి అలరించరారే

పసుపుకుంకుమలకోరి పూజించగా, పర్గునరారే పడతులారా

పరుగునరారే ||