ప: కామేశురాణి కళ్యాణి

చింతల దీర్చవే శర్వాణి ||

చ: బవబంధముల త్రెంచగలేని

సంసార జలధి దాటగలేని

జీవిని గనవే ఓ జననీ

చేయూతనిచ్చి బ్రోవవదేమి ||

చ: అజ్ఞాన తిమిరాన్ని హరియించలేని

ఆత్మజ్యోతిని గాంచగలేని

దాసిని గనవే ఓ జననీ

కైవల్యపధమిచ్చి కావగదేమి ||

ప: భారతం భారతం భారతం

జన్మించినందుకే ఇంత గర్వం ||

చ: ఎందరో వీరుల కార్యదీక్ష

తెచ్చింది మనకు ఈ స్వేచ్చ

మనలోనే మనము పెంచుకుంటె కక్ష

లేదు లేదు వార్కి అంతకన్న శిక్ష ||

చ: అహింసో పరమోధర్మ అన్నదే వేదసూక్తి

అది పాఠించి గాంధీజీ అయినాడు మనకు స్ఫూర్తి

దశదిశలా వ్యాపించే అతని కీర్తీ

ఆ జాతిపితకే అంకితము ఈ గీతి ||