ప: చల్లని తల్లివి నీవమ్మా

నను కరుణజూడగ రావమ్మా

నిన్నే నెర నమ్మితినమ్మా

నీ చరణములే కొలిచితినమ్మా ||

చ: అంబవు నీవే, జగదంబవు నీవే

మమ్మేలు మా తల్లి మహాలక్ష్మి నీవే

దీనుల కరుణించు దైవము నీవే

మమ్మేల కావగ వేగమె రావేమే ||

చ: లక్ష్మివై డొలాసురు వధియించలేదా

కాళివై మహిషుని మధియించలేదా

లలితవై లోకాలను గాచుటలేదా

తల్లివై దీనుల కాపాడలేవా ||

ప: ఎగిరింది జాతీయ జెండా

ఆ నింగి అంచులదాకా

దశదిశలా మన కీర్తిని చాటి చెప్పగా

దశదిశలా మన సంస్కృతి చాటి చెప్పగా ||

చ: వ్యాపారమంటు వచ్చిరి మన దేశానికి తెల్లదొరలు

అయినారు వారికి మనవారు బానిసలు

హింసే ఆయుధమని నమ్మిరి ఆ క్రూరులు

అహింసనే ఆయుధమును చేపట్టిరి మన వీరులు

ఫలితమై వచ్చింది స్వాతంత్ర్యం

చేసుకుందము రండా మహోత్సవం ||

స్వేచ్చావాయువులే ఎటుచూసినా వీచుచుండగా ||

చ: ప్రగతికి మూలం విద్యార్ధి జీవితం

అందుకు కావాలి ఉన్నత విద్యాలయం

ఉన్నారు మంచి అధ్యాపక బృందం

బోధించగా మనకు విజ్ఞానం

మనమే దేశానికి మూలస్తంభాలం

భరతజాతి గౌరవం నిలబెడదాం

అని పాడుతుంటే, మురిసిపోతూ..ఎగిరింది ||