ప: చిన్ని చిన్ని పిల్లలం, కలిసి మెలిసి ఉంటాం

చిలిపి చిలిపి అల్లరే చేస్తాం ||

చ: ఆటలెన్నొ ఆడుతాం, పాటలెన్నొ పాడుతాం

భరతమాతకే ముద్దు బిడ్డలం

మేము భరతమాతకే ముద్దు బిడ్డలం ||

చ: చదువులెన్నొ చదువుతాం

ఎంతో ఎత్తు ఎదుగుతాం

భరతమాతకే జయం పలుకుతాం

మేము భరతమాతకే జయం పలుకుతాం ||

చ: అమ్మ కంటి దివ్వెలం

నవ్వు పంచు గువ్వలం

భరతజాతికే కాంతి కిరణాలం

మేము భరతజాతికే కాంతి కిరణాలం ||

చ: అందం ఆనందం

ఎటు చూసిన పచ్చదనం

భరతమాతకే మేము చేసేము వందనం ||

ప: భారతం భారతం భారతం

జన్మించినందుకే ఇంత గర్వం ||

చ: ఎందరో వీరుల కార్యదీక్ష

తెచ్చింది మనకు ఈ స్వేచ్చ

మనలోనే మనము పెంచుకుంటె కక్ష

లేదు లేదు వార్కి అంతకన్న శిక్ష ||

చ: అహింసో పరమోధర్మ అన్నదే వేదసూక్తి

అది పాఠించి గాంధీజీ అయినాడు మనకు స్ఫూర్తి

దశదిశలా వ్యాపించే అతని కీర్తీ

ఆ జాతిపితకే అంకితము ఈ గీతి ||