ప: రాగమయి అమృతవల్లి కదలిరావా

కరుణామయి కల్పవల్లి కావగలేవా ||

చ: ఈ దీనురాలిపై దయగల్గలేదా

నీ కరుణ మాపై చూపగరాదా

మా మొర నీకు వినపడలేదా

వింటే మము నీవు కరుణించ రావా ||

చ: పువ్వునైన నీ పదముల వ్రాలేను

పండునైన నీకు అర్పితమయ్యేను

దివ్వెనైన నీ ముంగిట వెలిగేను

మనిషినై నీకు దూరమయ్యాను ||

ప: చల్లని తల్లివి నీవమ్మా

నను కరుణజూడగ రావమ్మా

నిన్నే నెర నమ్మితినమ్మా

నీ చరణములే కొలిచితినమ్మా ||

చ: అంబవు నీవే, జగదంబవు నీవే

మమ్మేలు మా తల్లి మహాలక్ష్మి నీవే

దీనుల కరుణించు దైవము నీవే

మమ్మేల కావగ వేగమె రావేమే ||

చ: లక్ష్మివై డొలాసురు వధియించలేదా

కాళివై మహిషుని మధియించలేదా

లలితవై లోకాలను గాచుటలేదా

తల్లివై దీనుల కాపాడలేవా ||