ప: భోగిపళ్ళు పోయరారె బాబాకు

భోగభాగ్యములతో అలరారు మన బ్రతుకు ||

చ: ప్రేమతో దరిచేరిన పాదములకు భోగిపళ్ళు

జగతినెల్ల పాలించే జంఘములకు భోగిపళ్ళు

జీవకోటిని నడిపించే జానువులకు భోగిపళ్ళు ||

చ: ఓడినిచేర్చి లాలించే ఉరువులకు భోగిపళ్ళు

భువనములను దాచిన ఆ ఉదరమునకు భోగిపళ్ళు

నవనీతమువలె కరిగే హృదయమునకు భోగిపళ్ళు ||

చ: పిలుపువిని బదులుపలుకు కంఠమునకు భోగిపళ్ళు

బాధలందు ఆదరించు బాహువులకు భోగిపళ్ళు

అభయమొసగి అక్కునజెర్చు కరమునకు భోగిపళ్ళు ||

చ: అమ్రుత వాక్కులే పలుకు అధరమునకు భోగిపళ్ళు

ఊయలకే ఊపిరొసగు నాసికకు భోగిపళ్ళు

కరుణా కాంతి కురిపించే సాయి కన్నులకు భోగిపళ్ళు ||

చ: విన్నపాలు ఆలించే కర్ణములకు భోగిపళ్ళు

విధివ్రాతను మార్చగల ఆ నుదురుకు భోగిపళ్ళు

సౌభాగ్యమొసగే సాయి శిరమునకు భోగిపళ్ళు ||

జీవకోటి క్షేమమరయు సాయి శిరమునకు భోగిపళ్ళు ||

ప: మాటవినకుంది నా మది

మొర వినకున్నది నీ హ్రుది

నీవుగాక మరి వేరే ఎవరూ లెరన్నదీ

పిలుపును విని కరుణనుగని తీరం చెర్చాలన్నది

సాయి రాం ఓం సాయి రాం

సాయి రాం శ్రీ సాయి రాం

సాయి రాం జయ సాయి రాం

సాయి రాం గురు సాయి రాం ||

చ: సోకినంత తను పులకరింతునని

ఎదురు జూచును అవని ఆ రవికై

తాకినంత తను పరవశింతునని

తహతహలాడును రవి నీ పదస్పర్శకై

ఈ అవని ఆ రవి నా వ్యధను నీకే

విన్నవింతు మనినా …..||

చ: నీ పదముల కడిగే నదీమతల్లులు

కలిసే కడలి ఎగసెను అలలై ఆ నింగికై

నీ శిరమున నిలిచి ధన్యతనొందగ

తపించెనా నింగి నికై చత్రమై

ఈ కడలి ఆ నింగి నా కధను నీకే

విన్నవింతుమనినా…||