ప: సాయి సాయి సాయి

నీ ధ్యానమెంత హాయి

నీ నామమెంత మధురమోయి

జీవితమే సఫలమోయి ||

చ: కరుణకురియు కనుదోయి

కాంచినంత భ్రమలుపోయి

గంగపొంగు కన్నులలో ఆనందము నిండునోయి ||

చ: అభయమొసగు కరమోయి

ఆపదలు బాపునోయి

వెన్నవంటి హృదయమోయి

వెన్నెల కురిపించునోయి ||

చ: శుభకరమగు పదమోయి

గంగకు జనస్థలమోయి

పాపములే కడుగునోయి

కైవల్యము స్థిరమోయి ||

ప: దిక్కికనీవే సాయీ నాకిక

దిక్కులుతోచక నిలుచుంటి ఒంటిగ ||

చ: అంతరంగాన ఉన్నది నీవనీ

ఆపదలందు ఆదుకొందువనీ

ఇక్కట్లు బాపే ఇలవేల్పు నీవనీ

పిలిచితి పరుగున రావా మొరవిని ||

చ: అహమును ఖండించి అక్కున జేర్చుకొని

ఆత్మానందమనే అమృతమందితువని

ఇలకు విచ్చేసిన పరంజ్యోతి నీవని

వేడితి వేవేగ రావా దయగని ||

చ: అమ్మాయి అంటూ నను పిలిచింది నీవని

ఆనందాంభుది ఓలలాడితిని

ఇంద్రకీలద్రిపై వెలసిన దుర్గమ్మ నీవని

పరిపరి ప్రార్ధించితి సౌభాగ్యమిమ్మని ||