ప: సాయి సాయను దివ్యనామము

చేర్చు మనలను వైకుంఠధామము

సాయినామము మోక్షప్రదము

చింతనజేయుము అనుక్షణము ||

చ: ప్రయాగయాత్ర చేయగ తలచెను

దాసగణు సాయిని అనుమతి వేడెను

పదముల గంగాయమునలజూపెను

విష్ణువు తానెయని ఋజువుచేసెను ||

చ: పండరినాధుని దర్శనమేగోరె

దాసగణు సాయిసన్నిధిజేరె

నామసప్తాహము చేయ సంకల్పించె

పుండరీకవరదుడై సాయి అగుపించె ||

చ: కన్నులార గాంచెనతడు సాయిలీలలనే

మదిలోన నిలిపె నిరతము సాయి పదములనే

కీర్తించెననుక్షనమూ సాయి మహిమలనే

ఆతని తలచినా చాలు కైవల్యమే ||

ప: తగదింక మౌనం, చరణమ్మె శరణం

అనుక్షణం అంటినే, భజే సాయినాధం ||

చ: కుగ్రామమునే చేశావు నగరం

మసీదునే చేశావు మందిరం

ఒక్క మాటతోనే చేసావట వైద్యం

ఒక్క స్పర్శతోనే పోద్రోలావట జాఢ్యం

కరుణకు రూపం మా గురుదైవమని

భక్తులు పలికిన మాటలె నిజమని

చేరితిని సన్నిధానం, చేసితిని నీ ధ్యానం ||

చ: నీ నియమం నిత్యాగ్నిహోత్రం

నీ మౌనం బ్రహ్మప్రబోధం

నీవుకోరే దక్షిణ శ్రధ్ధా సహనం

మా మదిని వెలిగించేది ఆత్మ జ్ఞానం

నీ వాక్కులె మము నడిపించు నిరతమని

నీ ఆచరణలె మోక్షప్రదమని

నమ్మినది నా హృదయం, చేరినది నీ చరణం ||